Voninkazo vita amin'ny voam-boatavo
Ity torolalana ity dia mampianatra anao tsy hanarinary foana ny voan'ireny legioma ireny, indrindra moa ny voatavo sy ny korozety, fa hamadika azy ireny kosa ho lasa voninkazo haingo-trano.
Fitaovana
- hety
- lakaoly
- compas
- crayon
- loko
Zavatra ilaina
- taratasy fotsy matevina iray
- voam-boatavo 40 isa eo ho eo
- poavatra mena 10 isa eo ho eo
Dingana 1 : Manomana ny taratasy fotsy
- Alaivo ny taratasy fotsy matevina
- Manorita sary boribory voalohany mirefy 8,5 cm (diamètre) eo ho eo
- Manorita sary boribory faharoa mirefy 6,5cm (diamètre) eo ho eo
- Manorita sary boribory fahatelo mirefy 4,5cm (diamètre) eo ho eo.
Dingana 2 : Manety ireo sary boribory
- Hetezo araky ny halehibeny avy ireo sary boribory nosoritana tetsy ambony
Dingana 3 : Apetraho ireo voam-boatavo
- Alaivo ireo voam-boatavo dia
- Apetraho amin'ny lakaoly manodidina ireo boribory telo (3) notapahina tetsy ambony
Dingana 4 : Akambano ireo boribory telo
- Akambano arakaraky ny halehibeny ireo taratasy boribory telo (3) voadidina voam-boatavo
- Apetraho eo amin'ny ambony afovoany indrindra ireo poavatra mena.
Dingana 5 : Lokoy ny voninkazo
- Avelao ho maina tsara ny lakaoly
- Lokoy araka izay itiavanao azy ny voninkazo